મારા વિષે.

    હું પારિજાત (મૂળ નામ) સમી…… પૂર્વી ……મારા પરિવાર સાથે ફિલાડેલ્ફિયામાં રહું છું. મને મહેંકવું અને ચહેંકવું ગમે છે, તેથી વર્ષા હોય કે વાદળ હોય, કે હોય તડકો તાતો પણ દરેક ઋતુમાં મને ખીલવું ગમે છે. ખીલવા માટે મને શબ્દોનો સાથ, શબ્દોનો સંબંધ અને શબ્દોની મિત્રતા તો મને અતિશય ગમે છે. પણ સમયનાં અભાવે મને ક્યારેય મારો પોતાનો બ્લોગ ખોલવા માટે ઈચ્છા થઈ ન હતી. પરંતુ મારે ઘણું બધુ લખવું છે, ઘણું બધુ કહેવું છે અને ઘણું બધુ શીખવું છે તેથી મારી ઇચ્છાને જાણતા મારા મિત્ર “સમન્વય અને અનોખા બંધનવાળા” ચેતુબહેન શાહ અને મારી દીકરી નિમ્મીની (ઘરનું નામ) ઘણી જ ઈચ્છા હતી અને આગ્રહ હતો કે હું આ બ્લોગની શરૂઆત કરું. પરંતુ દરેક વખતે મારી ના જ રહેતી હતી. આથી તેઓ મને કહેતા કે આપ બ્લોગ તો ખોલો….. જો આપને તે બ્લોગની સફર ન ગમે તો આપ બ્લોગ બંધ પણ કરી શકો છો આથી ચેતુબેન અને દીકરી નિમ્મીનાં માર્ગદર્શન અને સહકારે ૨૩મી જુલાઇએ આ બ્લોગની શુભ શરૂઆત થઈ.

   મારા આ બંને મિત્રોનાં માર્ગદર્શનને કારણે, પારિજાતને આ બ્લોગજગતમાં તેનું પોતાનું અસ્તિત્વ મળ્યું. આ બ્લોગ ખોલતાં જ “દાદીમાની પોટલી” વાળા શ્રી અશોકભાઇ દેસાઇની અને “ચંદ્રપૂકાર”વાળા શ્રી ચંદ્ર અંકલની શુભેચ્છાઑ અને પ્રોત્સાહન રૂપી સુંદર ભેંટ મળી. મારે મારા આ બ્લોગમાં મારા સાથી શબ્દોની વિવિધ રચનાઓને, મારા અનુભવોને, અને મારા વિચારોને આપ વાંચક મિત્રો સાથે વહેંચવા છે. શું આપ સૌ વાંચક મિત્રો મને સાથ આપશો? કારણ કે આપનો સાથ, સહકાર અને સૂચન મને મારા કાર્યમાં આગળ વધવાની પ્રેરણા આપશે. હું પૂર્વી …….પારિજાતની કુંજે આપના આવવાની રાહ ચોક્કસ જોઈશ. આપ મારા નવા મિત્ર બનીને આવશો ને?…

++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++